Iraqi Children Folk Songs اغاني الاطفال الشعبية في العراق

Iraqi Children Folk Songs
Arranged by Hussein Qadduri
Vocals by Ilham Ahmed



اغاني الاطفال العراقية
اعداد حسين قدوري. غناء الهام احمد

*

امان يا حنة امان
حنة البصرة امان
علينا حسرة امان
واليوم عيدي لا لا لا
فستان جديدي لا لا لا
فستان مكشكش لا لا لا
بالورد ملطش لا لا لا
فستان مشقق لا لا لا

*

يا طير غني غني
على جناحك طيرني
وديني للبساتين * اشرب ماي آكل تين
فرحنى فرحة العيد * لبسني ثوب الجديد
كل ميريد بابا يريد

*

يا يمة انطيني خريزة هي هي
يا يمة شلچ بيها هي هي
يا يمة العب بيها هي هي
يا يمة انتي ويامن هي هي
يا يمة آني وعمي هي هي
يا يمة عمچ شسمه هي هي
يا يمة عمي علوان هي هي
يا يمة صعد للخان هي هي
يا يمة ذبلي طربوش هي هي
يا يمة احمر ملطوش هي هي

*

بسبوسة يا بسبوسة * وين چنتي محبوسة
محبوسة بالمغارة * طفرت عليچ الفارة
والفارة هندي هندي * والليلة باتي عندي
اقدملچ صينية * حمرة وخضرة وماوية

*

كوكوختي كوكوختي
وين اختي بالحلة
وشتاكل باجله
وشتشرب ماي الله
وين تنام بأرض الله

*

شلچ بالشايب دهديه
عنده ظهر چنه نهر كل السمچ يسبح بيه
عنده راس چنه فاس كل الناس تطبر بيه

*

يا گمرنا لا تغيب * يا بو گبة وشراشيب
بنت الحوه اكلها ذيب * سكر معجون بحليب
والعرايس عرسوا * والعجايز عجزوا
شگوا مگرونة حسن
حسن شايل دنبوسو * يمشي ويعد فلوسو

*

يا قمر يا دحرجي * خلي ابويي يجي
يجيبلنا سلة عنب * ونقسمها عالعرب

*

يا عيد يابو نمنمه * خذنا وياك للسيلمه
يا عيد يابو مراية * خذنا وياك مشاية

*

يا زكريا عودي عليه
كل سنة وكل عام
نشعل صينية
يا زكريا عودي عليه

*

زلنطح زلنطح * طلع گرونك وانطح

*

دللول دللول
يمة الولد يابني دللول
عدوك عليل وساكن الچول
يمة اوف يمة
يمة صار الجبل بيني وبينچ يا يمة
ترى ما عاد عيني تشوف عينچ
دربكم يا خية دربكم ودربنا صاير بعيد والله
ترى وحس الطفل يبچي من بعيد
يمة اوف يمة ترى يمة يوم التلاگينا يوم عيد
دللول دللول يمة الولد يا ماي عيني للنوم
وعدوك عليل وساكن الچول

***

Iraqi Children Folk Songs 2
Arranged by Hussein Qadduri
Vocals by Ilham Ahmed, Hanan Abdul Razzaq



اغاني الاطفال الشعبية في العراق 2
اعداد حسين قدوري. غناء الهام احمد, حنان عبد الرزاق
غزالة غزلوكي .. هيلا يا رمانة .. بلي يا بلبول .. شدة يا ورد .. طلعت الشميسة

هيلا يا رمانة * هيلا يمة
من هيه الزعلانة * هيلا يمة
سعدية الزعلانة * هيلا يمة
منهو اليراضيها * هيلا يمة
ابوها يراضيها * هيلا يمة
صايغ تراجيها * هيلا يمة
محبس وگردانه * هيلا يمة

*

غزالة غزلوكي * بالماي دعبلوكي
گاعدة على الشط * گاعدة تمشط
اجاها نومي * گاللها كومي
هذا حصانج * اشده واركب
على السكركب
سكركب البرية * لا تبجين عليه
ابجي على حجولج * حجولج باربعمية

*

بلي يا بلبول * بلي
ما شفت عصفور * بلي
ينگر بالطاسة * بلي
حليب وياسة * بلي
على قبر تيتي * يا يا
ما شفت حبيبي * يا يا

*

شدة يا ورد * شدة
من هيه الورد * شدة
الهام الورد * شدة
ضحكتها ورد * شدة
گومتها ورد * شدة
گعدتها ورد * شدة
دورتها ورد * شدة
كل احنا ورد * شدة

*

طلعت الشميسة * على قبر عيشة
عيشة بت الباشا * تلعب بالخرخاشة
صاح الديج بالبستان * الله ينصر السلطان
يا ملتنا صرفينا * راح الوكت علينا
وشموسنا غابت * وارواحنا ذابت
طلعنا لي برة * شفنا حبيب الله
بيده قلم فضة * يكتب كتاب الله
يا فاطمة بت النبي * اخذي كتابج وانزلي
على صدر محمد وعلي

Comments

Popular Posts ~ مقالات سابقة